Нашы студэнты навучаюцца па праграме Міжнароднага бакалаўрыяту (IBDP), якая складаецца з трох асноўных кампанентаў і шасці груп прадметаў.

Сярэдні памер класа: 18 студэнтаў

Праграма Міжнароднага бакалаўрыята (IBDP)

Асноўныя кампаненты

• Тэорыя ведаў: Студэнты разважаюць пра прыроду ведаў і пра тое, як мы ўсведамляем тое, што ведаем.

• Доўгае эсэ: незалежнае, самастойнае даследаванне, вынікам якога з’яўляецца праца аб’ёмам у 4000 слоў.

• Творчасць, актыўнасць, валанцёрства (CAS): Студэнты прымаюць удзел у шэрагу пазакласных актыўнасцей і рэалізуюць прынамсі адзін праект.

Прадметы

• Мовазнаўства і літаратура: англійская літаратура, англійская мова і літаратура, кітайская літаратура, японская літаратура, іспанская мова і літаратура, самастойна вывучаная літаратура з падтрымкай школы
• Вывучэнне мовы: англійская B, японская B, іспанская B, кітайская Ab Initio, японская Ab Initio, іспанская Ab Initio

• Асоба і грамадства: эканоміка, гісторыя, глабальная палітыка

• Прыродазнаўчыя навукі: біялогія, хімія, фізіка, сістэмы і грамадствы навакольнага асяроддзя, інфарматыка

• Матэматыка: матэматыка — аналіз і падыходы (AA), матэматыка — прыкладанні і інтэрпрэтацыя (AI)

• Мастацтвы: выяўленчае мастацтва, фільм, тэатр

Праграма Pre-IBDP (падрыхтоўчая)

UWC ISAK Japan прымае вучняў у кампусе ва ўзросце ад 15 да 19 гадоў. Студэнты ва ўзросце 15 гадоў могуць далучыцца да трохгадовай школьнай праграмы, якая на 10-м годзе навучання робіць асаблівы акцэнт на Праграму Лідарства. У 11-м класе яна спалучаецца з двухгадовай праграмай IBDP (для навучэнцаў 16–19 гадоў).

Пазакласныя заняткі

Усе студэнты UWC праходзяць праграму пазакласных заняткаў пад назвай «Творчасць, актыўнасць, валанцёрства» (CAS) — неад’емную частку праграмы навучання IB. Студэнты атрымліваюць магчымасць выбраць заняткі ў сферы фізічнай, творчай і грамадска-карыснай дзейнасці.

Студэнты самі распрацоўваюць і арганізуюць CAS-праекты ў групах па восем і больш чалавек, таму праекты мяняюцца кожны год. Напрыклад, апошнія праекты былі прысвечаны перапрацоўцы адзення, экалагічным праблемам і ўстойліваму развіццю, збору сродкаў і дапамозе Непалу, адукацыйнай падтрымцы ўцекачоў у Азіі, падтрымцы ЛГБТК+ супольнасці, змаганню з харчовымі адходамі і рабоце з моладдзю.

Кампус знаходзіцца ў Каруідзаве — прыгожай горнай курортнай мясцовасці, прыкладна ў 70 хвілінах язды на хуткасным цягніку ад Токіа. Акрамя сучасных аб’ектаў, вучні рэгулярна карыстаюцца выдатнымі мясцовымі спартыўнымі пабудаваннямі.

Жытло для студэнтаў:

Існуюць чатыры змешаныя рэзідэнцыі. Пакоі наўмысна фармуюцца з удзелам як замежных, так і мясцовых вучняў. У кожнай рэзідэнцыі ёсць агульны пакой і пральня. UWC ISAK Japan прапаноўвае як аднаполыя дамы, так і змешаныя, дзе студэнты жывуць у пакоях на два ці чатыры чалавекі. У змешаных дамах ёсць як гендарна-нейтральныя, так і асобныя душавыя. Студэнты жывуць у мультыкультурных пакоях. Кожны дом мае агульную зону, невялікую кухню і пральню.

Студэнтам варта вяртацца дадому паміж першым і другім навучальным годам. Школа забяспечвае жытло ў час зімовых вакацый для тых, хто не можа з’ехаць дадому. Настаўнікі таксама жывуць на тэрыторыі кампуса і ўдзельнічаюць у жыцці супольнасці.

Медыцынскае забяспячэнне

• Дзве штатныя медсёстры
• Штотыднёвыя візіты мясцовага доктара
• Доступ да мясцовых медыцынскіх і стаматалагічных паслуг
• Усе студэнты застрахаваныя праз Нацыянальную сістэму аховы здароўя Японіі

Акадэмічны і эмацыйны дабрабыт

Каледж забяспечвае акадэмічную і эмацыйную падтрымку студэнтаў праз:

• Настаўнікаў-куратараў, што дапамагаюць у рэзідэнцыях

• Двух школьных псіхолагаў, якія працуюць індывідуальна

• Каманду пад кіраўніцтвам намесніка дырэктара па наглядзе

Ты можаш падаць заяўку праз нацыянальны камітэт UWC Беларусь. UWC Global Selection Programme.