Кантакты – тэл: +374 60 750 800
Напісаць каледжу
Размешчаны ў Дыліжане, Арменіі, на старажытным шаўковым шляху і на скрыжаванні Еўропы, Блізкага Усходу і Расіі, UWC Dilijan увасабляе ідэі інтэрнацыяналізму і сяброўства. З’яўляючыся адзіным каледжам UWC на постсавецкай прасторы, школа выкарыстоўвае адукацыю дзеля ўмацавання міру і ўстойлівага сацыяльнага, эканамічнага і экалагічнага развіцця ў рэгіёне і свеце ў цэлым.
Тры ўнікальныя рысы
- Адукацыйны хаб: адна з галоўных задач школы – зрабіць свой унёсак у развіццё рэгіёна як асяродка асветы, які, у сваю чаргу, паспрыяе адукацыі па ўсёй Арменіі.
- Урэгуляванне канфліктаў: дзякуючы свайму геапалітычнаму размяшчэнню і кантэксту армянскай гісторыі, UWC Dilijan дае ўнікальную магчымасць атрымаць практычны вопыт урэгулявання канфліктаў і дасягнення міру ў аўтэнтычным асяроддзі.
- “Глакальны” падыход: мы верым у “глакальнасць” (глабальнасць + лакальнасць). Наша мэта – заставацца глабальна актуальнымі, але прывязанымі да мясцовай рэчаіснасці. Мы ствараем асяроддзе разумення іншых культур і шанавання разнастайнасці.
UWC Dilijan прапануе двухгадовы адукацыйны шлях для студэнтаў ва ўзросце ад 15 да 19 гадоў: праграму Міжнароднага бакалаўрыята (IBDP). IBDP складаецца з трох асноўных кампанентаў і шасці груп прадметаў.
Сярэдні памер класа: 14 студэнтаў
Праграма Міжнароднага бакалаўрыята (IBDP)
Асноўныя кампаненты
- Тэорыя ведаў: Студэнты разважаюць пра прыроду ведаў і пра тое, як мы ўсведамляем тое, што ведаем.
- Доўгае эсэ: незалежнае, самастойнае даследаванне, вынікам якога з’яўляецца праца аб’ёмам у 4000 слоў.
- Творчасць, актыўнасць, валанцёрства (CAS): Студэнты прымаюць удзел у шэрагу пазакласных актыўнасцей і рэалізуюць прынамсі адзін праект.
Прадметы
- Мовазнаўства і літаратура: армянская літаратура, англійская літаратура, англійская мова і літаратура, руская літаратура, самастойна вывучаная літаратура з падтрымкай школы
- Вывучэнне мовы: англійская B, нямецкая Ab Initio, мова і культура, руская Ab Initio, іспанская Ab Initio
- Асоба і грамадства: эканоміка, сістэмы і грамадствы навакольнага асяроддзя, геаграфія, глабальная палітыка, гісторыя, мова і культура, філасофія
- Прыродазнаўчыя навукі: біялогія, хімія, фізіка, сістэмы і грамадствы навакольнага асяроддзя
- Матэматыка: матэматыка — аналіз і падыходы (AA), матэматыка — прыкладанні і інтэрпрэтацыя (AI)
- Мастацтвы: выяўленчае мастацтва, тэатр
Пазакласныя заняткі
Усе студэнты UWC праходзяць праграму пазакласных заняткаў пад назвай «Творчасць, актыўнасць, валанцёрства» (CAS) — неад’емную частку праграмы навучання IB. Студэнты атрымліваюць магчымасць выбраць заняткі ў сферы фізічнай, творчай і грамадска-карыснай дзейнасці.
Праграма пазакласных заняткаў ў UWC Dilijan складаецца з 4 элементаў – CAS, тыдня праектаў, фокус-тыдняў і дзён культур. Студэнты цесна супрацоўнічаюць з мясцовай супольнасцю ў Dilijanе і ў суседніх вёсках, прымаючы ўдзел ў працы арганізацый, якія дапамагаюць з дзецям і малазабяспечаным людзям. Навучанне на адкрытым паветры ў UWC Dilijan уключае паходы, катанне на лыжах, парусны спорт і даследаванне пячор. Праграма актыўнага адпачынку накіраваная на ўмацавання супольнасці і павышэнне цікавасці да навакольнага асяроддзя.
Фізічныя актыўнасці
Баскетбол
Футбол
Танцы
Валейбол
Першая дапамога
Плаванне
Творчая дзейнасць
Мастацтва ў супольнасці
Кераміка ў супольнасці
Сталярнае майстэрства
Хор каледжа
Кінамастацтва
Дэбатны клуб
DiliMUN (Мадэль ААН)
Праграмаванне
Вэб дызайн
Робататэхніка
Tedx
Сацыяльнае валанцёрства
Моўныя курсы – англійская, руская, кітайская, іспанская
Навука ў супольнасці
Плаванне для сяброў супольнасці
Клуб Чырвонага Крыжа
Служба ў НДА «Мост надзеі».
Кінаклуб для дзетак мясцовага дзіцячага сада
Эмацыйная самападтрымка студэнтаў
Праца з уцекачамі
Рукі для моладзі
Навука з мясцовымі дзецьмі
Аранжарэя і ўстойлівае развіццё
Студэнцкае кафэ
Школьная майстэрня
Перадавы кампус каледжа размешчаны на васьмі гектарах пагоркаў і лясоў у Дыліжанскім нацыянальным парку. Яго архітэктурны дызайн з выкарыстаннем самых перадавых экалагічных стандартаў забяспечвае доступ да ведаў у любым месцы і ў любы час з дапамогай тэхналогіі, якая забяспечвае бесперапыннае і адаптыўнае асяроддзе навучання.
Кругласутачны медыцынскі цэнтр
Кафетэрыя
Адкрытыя тэнісныя і баскетбольныя пляцоўкі
Футбольнае поле стандарту FIFA
Сады і грамадскія цяпліцы
Крыты спартыўны комплекс: басейн з падагрэвам, трэнажорная зала, трэнажорныя пляцоўкі і шматфункцыянальная спартыўная зала
Тэатральня пляцоўка
Мастацкая студыя
Музычны пакой
Фоталабараторыя
Керамічная студыя
Студыя 3D-друку
Сталярны пакой
Жыллё для студэнтаў:
У нас ёсць сучасныя, добра абсталяваныя жылыя памяшканні, і студэнты жывуць у адным з шасці інтэрнатаў, вядомых як «Toons» (армянскае слова для дома). Як правіла, у адным пакоі з агульнай прыбіральняй жывуць два ці чатыры студэнты. Мы робім усё магчымае, каб у кожным пакоі былі студэнты розных краін, культур або моў, каб спрыяць міжнароднаму ўзаемаразуменню.
Студэнты вяртаюцца дадому на зімовыя і летнія вакацыі, калі маюць такую магчымасць. У гэтым выпадку школа дапамагае або знайсці прымаючую сям’ю, або зняць кватэру з іншымі вучнямі.
Медыцынскае забеспячэнне:
- Кругласутачны медыцынскі цэнтр на кампусе
- Доктар і каманда медсясцёр
- Добра абсталяваная бальніца ў Дыліжане
- Добрыя сувязі з бальніцамі ў Ерэване (90 хвілін язды ад кампуса)
Акадэмічны і эмацыйны дабрабыт
Школа падтрымлівае акадэмічны і эмацыйны дабрабыт студэнтаў праз:
- Псіхатэрапеўта, які наведвае кампус штотыдзень
- Штатнага спецыяліста па псіхалагічным дабрабыце
- Ментара для студэнтаў, які праводзіць дзве сустрэчы на тыдзень
- “Toon-бацькоў” – настаўнікоў-выхавацеляў, якія жывуць разам з дзецьмі ў інтэрнаце
- Прамы кантакт з зарэгістраванымі псіхіятрамі ў Ерэване, калі спатрэбіцца дапамога спецыялістаў
- Кансультанта па паступленні ва ўніверсітэт і кар’ерным росце
- Групу студэнтаў, навучаных падтрымліваць сваіх аднагодкаў
Ты можаш падаць заяўку ў UWC Dilijan праз нацыянальны камітэт UWC Беларусь ці UWC Global Selection Programme.