Кантакты – тэл: +39 040 3739111
Напісаць каледжу
Заснаваны ў 1982 годзе, UWC Adriatic — першы каледж UWC, адкрыты ў краіне, дзе не гавораць на англійскай. Каледж знаходзіцца на адкрытым кампусе ў маляўнічай прыморскай вёсцы Дуіна, усяго ў некалькіх кіламетрах ад мяжы са Славеніяй, у рэгіёне, дзе сустракаюцца нямецкая, лацінская і славянская культуры.
Тры ўнікальныя рысы
- Інтэнсіўны італьянскі досвед: Студэнты атрымліваюць адукацыю UWC, пастаянна знаходзячыся ў асяроддзі багатй і разнастайнай італьянскай культурнай спадчыны. Каледж карыстаецца сваім размяшчэннем на палітычным, культурным і геаграфічным скрыжаванні ў самым сэрцы Еўропы.
- Музыка: Музыка адыгрывае важную ролю ў UWC Adriatic дзякуючы дзейнасці ўласнай музычнай акадэміі (ICMA), якая імкнецца даследаваць увесь спектр музычных жанраў і стыляў з усяго свету, а таксама запрашае прафесійных музыкаў у каледж для правядзення майстар-класаў і канцэртаў.
- Вёска, а не кампус: UWC Adriatic не абмежаваны ўласным кампусам; яго інтэрнаты, школа, лабараторыі і іншыя будынкі размешчаны па ўсёй вёсцы. Студэнты інтэграваныя ў жыццё мясцовай супольнасці праз сваё штодзённае жыццё і штотыднёвыя сацыяльныя актыўнасці.
UWC Adriatic прапануе двухгадовы адукацыйны шлях для студэнтаў ва ўзросце ад 15 да 19 гадоў: праграму Міжнароднага бакалаўрыята (IBDP). IBDP складаецца з трох асноўных кампанентаў і шасці груп прадметаў.
Сярэдні памер класа: 14 студэнтаў
Праграма Міжнароднага бакалаўрыята (IBDP)
Асноўныя кампаненты
- Тэорыя ведаў: Студэнты разважаюць пра прыроду ведаў і пра тое, як мы ўсведамляем тое, што ведаем.
- Доўгае эсэ: незалежнае, самастойнае даследаванне, вынікам якога з’яўляецца праца аб’ёмам у 4000 слоў.
- Творчасць, актыўнасць, валанцёрства (CAS): Студэнты прымаюць удзел у шэрагу пазакласных актыўнасцей і рэалізуюць прынамсі адзін праект.
Прадметы
- Мовазнаўства і літаратура: англійская мова і літаратура, французская літаратура, італьянская літаратура, іспанская літаратура, руская літаратура
- Вывучэнне мовы: італьянская B, італьянская Ab initio, англійская B
- Вывучэнне мовы з рэпетытарам: арабская літаратура, харвацкая літаратура, сербская літаратура, боснійская літаратура, нямецкая літаратура, славенская літаратура або альтэрнатыўныя (падтрыманыя школай) самастойна вывучаныя мовы
- Асоба і грамадства: эканоміка, гісторыя, філасофія, глабальная палітыка, сістэмы і грамадствы навакольнага асяроддзя, сусветныя мастацтвы і культуры, псіхалогія
- Прыродазнаўчыя навукі: біялогія, хімія, фізіка, сістэмы і грамадствы навакольнага асяроддзя
- Матэматыка: матэматыка — аналіз і падыходы (AA), матэматыка — прыкладанні і інтэрпрэтацыя (AI)
- Мастацтвы: выяўленчае мастацтва, музыка, тэатр
Пазакласныя заняткі
Усе студэнты UWC праходзяць праграму пазакласных заняткаў пад назвай «Творчасць, актыўнасць, валанцёрства» (CAS) — неад’емную частку праграмы навучання IB. Студэнты атрымліваюць магчымасць выбраць заняткі ў сферы фізічнай, творчай і грамадска-карыснай дзейнасці.
Фізічныя актыўнасці
Спартыўнае арыентаванне
Баскетбол
Скалалазанне
Футбол
Каякінг
Паходы
Парусны спорт
Вулічны хакей
Настольны тэніс
Валейбол
Флорбол
Плаванне
Бегавыя і горныя лыжы
Фрызбі
Стральба з лука
Аэробіка
Танцы
Каратэ
Бокс
Капаэйра
Ёга
Творчая дзейнасць
Amnesty International
Кераміка
Творчае пісьмо
Гурток па вывучэнні бягучых падзей
Дэкупаж
Мадэль ААН
Розныя музычныя мерапрыемствы, у тым ліку музычная тэорыя, урокі хору і ігры на інструментах
TedX
Фатаграфія
Група ўстойлівага развіцця
Тэатр
Выпускны альбом
Сацыяльнае валанцёрства
Заняткі мастацтва з італьянскімі і славенскімі дзецьмі, выкладанне англійскай мовы і іншыя мерапрыемствы ў мясцовых дзіцячых садках і пачатковых школах.
Мультыкультурныя прэзентацыі і досвед для вучняў мясцовых пачатковых школ праз шэраг мерапрыемстваў, накіраваных на барацьбу з забабонамі і расізмам.
Дапамога людзям з псіхічнымі або фізічнымі парушэннямі.
Дапамога сталым людзям, сляпым або іншым маламабільным асобам.
Наведванне сталых людзей у мясцовых установах.
Праца валанцёрамі ў мясцовай службе хуткай дапамогі Чырвонага Крыжа пасля праходжання курсаў першай дапамогі.
Правядзенне музычных канцэртаў у бальніцах і ўстановах для сталых і хворых людзей.
Наведванне людзей з рассеяным склерозам.
Заняткі спортам з людзьмі з абмежаванымі магчымасцямі.
Урокі англійскай мовы для мясцовай супольнасці.
Наведванне жыхароў мясцовага хоспіса.
Валанцёрства на кампусе каледжа.
Адчыненне школьных будынкаў раніцай і зачыненне іх уначы.
Нагляд за бібліятэкай.
Перапрацоўка смецця.
UWC Adriatic мае цалкам абсталяваны музычны цэнтр і спартыўныя аб’екты, якія дзеляцца з мясцовымі асацыяцыямі ў Дуіна, спрыяючы ўзаемадзеянню з мясцовай моладдзю. Акрамя таго, актыўнасці на свежым паветры ў суседніх пагорках, гарах, рэках і моры прапануюць шырокі спектр фізічных актыўнасцяў.
Медыцынскі цэнтр
Аўдыторыя
Мастацкі цэнтр
Музычны пакой
Навуковая лабараторыя
Каякінг і парусны спорт
Адміністрацыйныя будынкі
Жыллё для студэнтаў:
Каледж мае студэнцкія рэзідэнцыі, размешчаныя па ўсёй вёсцы Дуіна. Пакоі адрозніваюцца памерам і могуць быць аднамеснымі, двухмеснымі, трохмеснымі або чатырохмеснымі. Кожная рэзідэнцыя ўнікальная, і гэта адлюстроўваецца ў размеркаванні студэнтаў/пакояў і выгод. Кожная рэзідэнцыя знаходзіцца пад наглядам аднаго або некалькіх настаўнікаў.
- У каледжы працуе ўрач, які прыходзіць на 2 гадзіны чатыры разы на тыдзень, уключаючы суботу пасля абеду.
- Медыцынская сястра прысутнічае ў каледжы цэлы дзень кожны будны дзень.
- Экстранная медыцынская дапамога, іншыя медыцынскія паслугі і дзяржаўныя бальніцы даступныя ў бліжэйшых населеных пунктах Манфальконе і Трыесце.
Каледж забяспечвае акадэмічную і эмацыйную падтрымку студэнтаў праз:
- Штатных псіхолага і кансультанта, якія дапамагаюць студэнтам са спецыяльнымі адукацыйнымі патрэбамі і цяжкасцямі ў навучанні.
- Прызначэнне студэнтам асабістага настаўніка, які аказвае як асабістую, так і акадэмічную падтрымку.
- Настаўніцкія группы, якія сустракаюцца штотыдзень і разам плануюць вячэры і мерапрыемствы, каб развіць пачуццё невялікай «сям’і».
- Настаўнікаў у рэзідэнцыях, якія адказваюць за больш практычныя аспекты жыцця ў каледжы.
- Дапамогу ад настаўніка-бібліятэкара для студэнтаў з асаблівымі навучальнымі патрэбамі, калі іх накіроўвае каманда падтрымкі навучальных навыкаў.
- Праграму падтрымкі аднагодкаў, якая дазваляе студэнтам звяртацца да падрыхтаваных аднагодак у цяжкія часы.
Ты можаш падаць заяўку ў UWC Adriatic праз нацыянальны камітэт UWC Беларусь.
Нацыянальныя камітэты прадстаўляюць UWC больш чым у 150 краінах і рэгіёнах па ўсім свеце.