У шматлікіх школах па ўсім свеце прапануецца праграма Міжнароднага бакалаўрыяту (IB) — навучальны план, які спрыяе творчаму развіццю, актыўнасці і валанцёрству як частцы сваіх асноўных патрабаванняў.
Аднак мы развіваем гэтыя прынцыпы далей.
Разнастайныя школьныя супольнасці UWC заахвочваюць вучняў даследваць розныя пункты гледжання разам з іншымі студэнтамі, а не проста вывучаць іх з дапамогай кніг ці анлайн-СМІ.
Мы даследуем мастацтва і культуру асяроддзя, вывучаем гісторыю адзін аднаго з першых вуснаў, а таксама разглядаем, як крэатыўнасць і ўяўленне дапамагаюць нам зразумець і змяніць свет.
Наша ўвага да грамадскай працы выходзіць далёка за рамкі выканання патрабаванняў IBDP або паступлення студэнтаў ва ўніверсітэт. Мы дапамагаем маладым лідарам знаходзіць сапраўды ўплывовыя справы. Студэнты вучацца ператвараць ідэі ў ініцыятывы, праекты і мерапрыемствы, якія будуць карысны мясцовай супольнасці на працягу многіх гадоў пасля заканчэння вучобы, а таксама могуць быць рэалізаваны ў роднай краіне.
Будучы студэнтам UWC, вы будзеце развіваць навыкі ды каштоўнасці, якія спатрэбяцца не толькі ў каледжы, але і ў рэальным жыцці.
Нашы канкрэтныя актыўнасці адрозніваюцца ў залежнасці ад навучальнай установы, бо менавіта асяроддзе вашага кампуса будзе вызначаць магчымыя мерапрыемствы і неабходныя ініцыятывы па валанцёрству. У той жа час агульная місія і каштоўнасці UWC ляжаць у аснове ўсяго, што мы робім у межах гэтага руху.
Творчасць
Нават калі вы не збіраецеся займацца мастацтвам, тут вы вучыцеся думаць як мастак
Мастацтва і творчасць — гэта не толькі навык маляваць ці граць на музычным інструменце. Гэта дысцыпліна, супрацоўніцтва, уяўленне і здольнасць выказаць тое, што вы перажываеце і адчуваеце.
У UWC мы будзем заахвочваць вас праяўляць сябе як творчую натуру і накіроўваць тое, што важна, у мастацтва, танец, фатаграфію, музыку і іншыя медыя праз пазакласныя мерапрыемствы, майстар-класы і школьныя заняткі. Незалежна ад таго, ці хочаце вы заняцца творчай дзейнасцю, каб быць пачутым і зразумелым, ці дзеля развіцця творчых звычак для свядомай рэфлексіі, у вас будзе мноства магчымасцяў.
Мы даследуем культуру і рамёствы мясцовых рэгіёнаў і заахвочваем студэнтаў праяўляць сябе разам з іншымі. Гэта можа ўключаць у сябе выхад на сцэну для тэатральных ці танцавальных выступаў, вывучэнне гісторыі мастацтва, стварэнне тэкстаў для газеты каледжу, наведванне культурных месцаў або выступы ў школьнай супольнасці і па-за яе межамі. Творчасць таксама грае важную ролю ў фармаванні мыслення для сацыяльнага ўплыву, што цесна звязана з кампанентам валанцёрства CAS і з’яўляецца якасцю, якую UWC імкнецца развіць ва ўсіх студэнтах.
Актыўнасць
Гаворка ідзе не толькі пра спаборніцтва. Калі вы хочаце гуляць у баскетбол у іншай школе, вам, магчыма, прыйдзецца быць вельмі прафесійным. Але ў UWC, калі вы сапраўды добра гуляеце, вы вучыце іншых людзей, каб яны таксама маглі гэта рабіць. Гэта асяроддзе, у якім вы вучыцеся і даведваецеся, што цярпець няўдачы — гэта нармальна, і гэта дае вам магчымасць паспрабаваць.
Кожная школа UWC мае ўплыў на навакольнае грамадства, і гэта тычыцца як спорту, так і фізічнай актыўнасці.
У каледжах UWC у вас будзе магчымасць займацца многімі відамі спорту, якія вы любілі ў дзяцінстве, ад футбола да баскетбола і тэніса. Многія з нашых вучняў таксама рэгулярна карыстаюцца трэнажорнай заляй для кардыё- і сілавых трэніровак, а ўсе UWC маюць рэгулярны доступ да басейнаў на тэрыторыі кампуса або па-за ім.
Адукацыя на свежым паветры займае важнае месца ў досведзе UWC, таму мы ў поўнай меры выкарыстоўваем навакольнае асяроддзе кожнага каледжа. У залежнасці ад школы, якую вы наведваеце, каледж можа прапаноўваць каякінг і падводны спорт у акіяне або мясцовых азёрах, паходы ў горы і трапічныя лясы, вывучэнне зімовых відаў спорту ў месцах, дзе выпадае снег, або проста пошук часу для ціхіх разважанняў падчас шпацыраў на прыродзе.
Актыўнасць і фізічныя практыкаванні не толькі важныя для ўвасаблення ў жыццё такіх каштоўнасцей UWC, як асабісты выклік і ўзаемная адказнасць, але і ключавыя для падтрымання раўнавагі і дабрабыту ў ажыўленым і стымулюючым асяроддзі. Па-за чатырма сценамі крытай спартзалы яны таксама даюць магчымасць даследаваць наваколле, злучыцца з прыродай і сапраўды адчуць свет вакол.
Валанцёрства
Мяркую, гэта тое, што я нашу з сабой з часоў UWC: гэтую энергію, каб імкнуцца да чагосьці, нават калі гэта цяжка ці супярэчыць статусу-кво.
Мы імкнемся да таго, каб кожны студэнт разумеў, што ён можа выкарыстоўваць сваю адукацыю, каб змяніць сітуацыю да лепшага і прымаць меры па вырашэнні глабальных праблем на лакальным узроўні. Гэта выходзіць за рамкі навучальнай праграмы і з’яўляецца часткай паўсядзённага жыцця.
Заняткі ў UWC заахвочваюць студэнтаў вызначаць змены, якія яны могуць зрабіць у свеце. Гэта дазваляе ім разважаць як яны могуць дзейнічаць, каб палепшыць жыццё, як паасобку, так і разам.
Кожны год мы бачым, як студэнты ствараюць праекты і ініцыятывы, якія вырашаюць праблемы непасрэдна, ад перапрацоўкі адходаў і аднаўляльных крыніц энергіі да адукацыі і дыялогу з грамадскасцю. Мы бачым, як людзі сыходзяць з упэўненасцю адстойваць тое, ува што яны вераць, і з навыкамі ператвараць ідэі ў рэальныя дзеянні.
Школы і каледжы UWC маюць трывалыя партнёрскія адносіны з мясцовымі арганізацыямі, што дазваляе студэнтам здабываць ключавыя навыкі для ўплыву на грамадства праз непасрэднае дзеянне. Характар магчымасцей для валанцрства, як і патрабаванні супольнасці, безумоўна, будуць адрознівацца ў залежнасці ад месцазнаходжання каледжа. Штогод у выніку студэнцкіх ініцыятыў з’яўляецца шмат новых валанцёрскіх праектаў. Яны могуць быць карысны як прымаючай супольнасці школы, так і ўласным супольнасцям студэнтаў у іх родных краінах.
У UWC студэнты перыядычна робяць перапынкі паміж звычайнымі заняткамі, каб пагрузіцца ў «Тыдзень праектаў» або «Дзень фокусу» — спецыяльны час для практычнага навучання ў рамках ініцыятывы, якая іх захапляе. Незалежна ад таго, працуюць яны індывідуальна ці ў камандах, студэнты рэалізуюць праекты, якія адлюстроўваюць іх інтарэсы і каштоўнасці, часта паглыбляючыся ў такія тэмы, як устойлівае развіццё, служэнне грамадству, творчасць або міжкультурнае паразуменне. Гэта ключавая частка эксперыментальнага падыходу да навучання UWC, якая дае студэнтам прастору для праявы ініцыятывы, супрацоўніцтва і ўвасаблення сваіх ідэй ў рэальных умовах.
Даведайцеся, якія пазакласныя актыўнасці прапануе кожны каледж