MUWCI прапануе двухгадовы адукацыйны шлях для студэнтаў ва ўзросце ад 15 да 19 гадоў: праграму Міжнароднага бакалаўрыята (IBDP). IBDP складаецца з трох асноўных кампанентаў і шасці груп прадметаў.

Сярэдні памер класа: 15 студэнтаў

Праграма Міжнароднага бакалаўрыята (IBDP)

Асноўныя кампаненты

• Тэорыя ведаў: Студэнты разважаюць пра прыроду ведаў і пра тое, як мы ўсведамляем тое, што ведаем.

• Доўгае эсэ: незалежнае, самастойнае даследаванне, вынікам якога з’яўляецца праца аб’ёмам у 4000 слоў.

• Творчасць, актыўнасць, валанцёрства (CAS): Студэнты прымаюць удзел у шэрагу пазакласных актыўнасцей і рэалізуюць прынамсі адзін праект.

Прадметы

• Мовазнаўства і літаратура: англійская літаратура, англійская A мова і літаратура, хіндзі літаратура, іспанская літаратура, самастойна вывучаная літаратура з падтрымкай школы, мова і культура
• Вывучэнне мовы: французская B, французская Ab Initio, хіндзі B, іспанская Ab Initio, іспанская B

• Асоба і грамадства: эканоміка, гісторыя, глабальная палітыка, філасофія, псіхалогія

• Прыродазнаўчыя навукі: біялогія, хімія, фізіка, сістэмы і грамадствы навакольнага асяроддзя

• Матэматыка: матэматыка — аналіз і падыходы (AA), матэматыка — прыкладанні і інтэрпрэтацыя (AI)
• Мастацтвы: выяўленчае мастацтва, тэатр, фільм

Пазакласныя заняткі

Усе студэнты UWC праходзяць праграму пазакласных заняткаў пад назвай «Творчасць, актыўнасць, валанцёрства» (CAS) — неад’емную частку праграмы навучання IB. Студэнты атрымліваюць магчымасць выбраць заняткі ў сферы фізічнай, творчай і грамадска-карыснай дзейнасці. Нашая праграма Triveni (CAS) факусуецца на ўзаемадзеянні з супольнасцю, навучанні на прыродзе і з’яўляецца ключавым кампанентам адукацыі ў MUWCI. Каледж таксама прапануе шматлікія інклюзіўныя мерапрыемствы на кампусе, дзе шануецца разнастайнасць студэнтаў і традыцый мясцовай супольнасці.

Праграмы CAS змяняюцца штогод, бо яны распрацоўваюцца студэнтамі пры дапамозе выкладчыкаў. Звычайна мы прапануем больш за 30 творчых і фізічных заняткаў і больш за 25 адукацыйных магчымасцяў як на кампусе, так і па-за яго межамі. Прыклады заняткаў вы можаце паглядзець ніжэй:

Фізічныя актыўнасці

Размешчаны на прыгожым узгорку ў сельскай мясцовасці Махараштры, MUWCI мае вялікі кампус плошчай 180 акраў, створаны спецыяльна для адукацыйных мэтаў, з рэзервам біяразнастайнасці ў межах горнага хрыбта Сах’ядры — аб’екта Сусветнай спадчыны ЮНЕСКА.

Жыллё для студэнтаў:

MUWCI падзелены на пяць “вадаў” (жыллёвых кластараў). Студэнты жывуць з адноснай самастойнасцю і адказнасцю ў дамах на васьмярых, размешчаных вакол агульнага ўнутранага двара. У кожным пакоі жывуць чатыры студэнты з розных кантынентаў. Так званыя “бацькі вадаў” і іншыя выкладчыкі з’яўляюцца часткай супольнасці вады, жывуць побач са сваімі сем’ямі і хатнімі жывёламі. Жылыя будынкі ўключаюць агульныя пакоі з кухнямі і асобныя пральныя памяшканні.

Медыцынскае забеспячэнне

• штатны ўрач і медсястры
• Медыцынскі цэнтр на 16 ложкаў, укамплектаваны ўрачом, які жыве на тэрыторыі кампуса, і медсёстрамі, што працуюць на поўную стаўку
• Кансультацыі спецыялістаў і шпіталі даступныя ў г. Пуне, у 90 хвілінах ад кампуса; транспарціроўка магчымая на каледжанскай хуткай дапамозе

Адукацыйны і эмацыйны дабрабыт

• Куратары з ліку выкладчыкаў і “бацькі вадаў” (жыллёвых супольнасцяў) забяспечваюць пастаянную падтрымку студэнтам
• Кіраўнік студэнцкага жыцця і іншыя супрацоўнікі, якія жывуць на тэрыторыі кампуса, сканцэнтраваны на пытаннях дабрабыту студэнтаў
• Псіхолаг даступны на тэрыторыі кампуса
• Псіхіятрычныя спецыялісты даступныя для кансультацый у Пуне па неабходнасці