UWC Atlantic прапануе два розныя двухгадовыя адукацыйныя шляхі для студэнтаў ва ўзросце 15-19 гадоў: праграму Міжнароднага бакалаўрыяту і праграму Шляху Сістэмнай Трансфармацыі, інавацыйную альтэрнатыву традыцыйнай праграме IB.

Сярэдні памер класа: 13 студэнтаў

Праграма Міжнароднага бакалаўрыята (IBDP)

Most students follow the International Baccalaureate Diploma Programme (IBDP), which is made up of three core components and six subject groups.

Асноўныя кампаненты

• Тэорыя ведаў: Студэнты разважаюць пра прыроду ведаў і пра тое, як мы ўсведамляем тое, што ведаем.

• Доўгае эсэ: незалежнае, самастойнае даследаванне, вынікам якога з’яўляецца праца аб’ёмам у 4000 слоў.

• Творчасць, актыўнасць, валанцёрства (CAS): Студэнты прымаюць удзел у шэрагу пазакласных актыўнасцей і рэалізуюць прынамсі адзін праект.

Прадметы

• Мовазнаўства і літаратура: англійская мова і літаратура, іспанская літаратура, самастойна вывучаныя мовы
• Вывучэнне мовы: англійская B, французская B, іспанская B

• Асоба і грамадства: эканоміка, геаграфія, гісторыя, сацыяльная і культурная антрапалогія, глабальная палітыка, сістэмы і грамадствы навакольнага асяроддзя

• Прыродазнаўчыя навукі: біялогія, хімія, фізіка, сістэмы і грамадствы навакольнага асяроддзя

• Матэматыка: матэматыка — аналіз і падыходы (AA), матэматыка — прыкладанні і інтэрпрэтацыя (AI)

• Мастацтвы: выяўленчае мастацтва, музыка

Шлях сістэмнай трансфармацыі (STP)

З 2023 года UWC Atlantic прапануе альтэрнатыўную пілотную адукацыйную праграму ў партнёрстве з Міжнародным бакалаўрыятам пад назвай «Шлях Сістэмнай Трансфармацыі».

Гэты курс дае студэнтам навыкі, падыходы і здольнасці, неабходныя для вырашэння складаных і ўзаемазалежных сістэмных праблем. Ён у аснове сваёй арыентаваны на дзеянне і замяняе пісьмовыя экзамены і навучанне ў класе адпаведнай, амбіцыйнай, неабходнай працай у складаных кантэкстах з сапраўднага жыцця. Спецыяльна распрацаваная праграма надае ўвагу трансфармацыйным зменам, сістэмнаму лідарству і справядлівай будучыні на базе асноўнай праграмы IBDP. Затым студэнты прымяняюць атрыманыя веды, паглыбляючыся ў сферы дзейнасці, найбольш значныя для іх асабіста, напрыклад біяразнастайнасць, энергетыка, харчаванне ці міграцыя. Гэты курс дае студэнтам магчымасць пайсці далей за лячэнне сімптомаў, і спрыяць трансфармацыйным зменам на сістэмным узроўні.

Больш інфармацыі на

https://www.uwcatlantic.org/learning/academic/systems-transformation-pathway

Пазакласныя заняткі

Усе студэнты UWC праходзяць праграму пазакласных заняткаў пад назвай «Творчасць, актыўнасць, валанцёрства» (CAS) — неад’емную частку праграмы навучання IB. Студэнты атрымліваюць магчымасць выбраць заняткі ў сферы фізічнай, творчай і грамадска-карыснай дзейнасці.

У кампусе ёсць мастацкі цэнтр, дзе праводзяцца студэнцкія пастаноўкі, сустрэчы з грамадскасцю і паказы фільмаў. У гістарычным замку ёсць бібліятэка і сталовая ў гатычным стылі. Пасярод леса і недалёка ад берага мора, студэнты таксама маюць права валанцёрыць у Нацыянальнай службе берагавой аховы, якая дапамагае ў ратаванні жыцця ў моры.

Жыллё для студэнтаў:

На кампусе ёсць восем студэнцкіх рэзідэнцый. Як правіла, хлопчыкі і дзяўчынкі размяшчаюцца асобна на розных паверхах/крылах. Большасць студэнтаў жывуць у пакоях па чатыры чалавекі, звычайна розных нацыянальнасцяў і культур. Ва ўсіх дамах ёсць агульны пакой, кухня і ціхі пакой для навучання з кампутарам і доступам да Wi-Fi.

Медыцынскае забеспячэнне:

• Медыцынскі цэнтр працуе сем дзён на тыдзень і ўкамплектаваны двума штатнымі медсёстрамі і псіхалагічным кансультантам

• Мясцовыя лекары (тэрапеўты) працуюць у кампусе два разы на тыдзень

• Кругласуткавае дзяжурства вядзе наша каманда выхавацеляў і начны персанал.

• Мясцовыя бальніцы знаходзяцца ў 30 і 45 хвілінах язды.

Акадэмічны і эмацыянальны дабрабыт:

Школа падтрымлівае акадэмічны і эмацыянальны дабрабыт вучняў праз:

• Клінічнага псіхолага, які кіруе камандай па здароўі і дабрабыце ў кампусе
• Трох кансультантаў, якія прапануюць сацыяльна-эмацыйную падтрымку праз індывідуальныя прыёмы
• “Бацькоў” рэзідэнцый, якія падтрымліваюць студэнтаў ва ўсіх аспектаў жыцця
• Штотыднёвыя сустрэчы з асабістымі ментарамі для падтрымкі акадэмічнага, сацыяльнага і эмацыянальнага дабрабыту
• Рэгулярныя сустрэчы ментараў з аднаго дома з “бацькамі” рэзідэнцый каб разам аказваць падтрымку вучням у інтэрнаце
• Ментараў, якія жывуць на кампусе, і стала адсочваюць дабрабыт студэнтаў

Ты можаш падаць заяўку ў UWC Atlantic праз нацыянальны камітэт UWC Беларусь ці праз UWC Global Selection Programme.