Мы шукаем матываваных і захопленых маладых людзей, гатовых стаць часткай разнастайнага і дынамічнага адукацыйнага асяроддзя.
Каб падаць заяўку праз Нацыянальны камітэт UWC Беларусь, вы павінны адпавядаць наступным крытэрам:
1. Узроставыя патрабаванні
Кандыдаты павінны быць народжаныя паміж 1 ліпеня 2008 года і 31 жніўня 2010 года. Гэта звычайна адпавядае ўзросту навучэнцаў, якія пераходзяць у апошнія два класы сярэдняй школы.
Крытэрі ўзросту для ўдзелу ў праграме дыплома IB у UWC:
*Падыходзяць даты нараджэння, выдзеленыя тоўстым блакітным шрыфтам.
| 2008 | 2009 | 2010 |
|---|---|---|
| Студзень | Студзень | Студзень |
| Люты | Люты | Люты |
| Сакавік | Сакавік | Сакавік |
| Красавік | Красавік | Красавік |
| Май | Май | Май |
| Чэрвень | Чэрвень | Чэрвень |
| Ліпень | Ліпень | Ліпень |
| Жнівень | Жнівень | Жнівень |
| Верасень | Верасень | Верасень |
| Кастрычнік | Кастрычнік | Кастрычнік |
| Лістапад | Лістапад | Лістапад |
| Снежань | Снежань | Снежань |
2. Адукацыйны ўзровень
Кандыдаты павінны зараз навучацца ў 10 або 11 класе сярэдняй школы (альбо аналагічным узроўні). Мы таксама разглядаем студэнтаў прафесійных каледжаў на 1-м або 2-м курсе, а таксама тых, хто знаходзіцца ў акадэмічным перапынку (gap year).
Мы не прымаем заяўкі ад вучняў 9 класа і ніжэй.
Навучанне ў каледжах UWC вельмі інтэнсіўнае — як акадэмічна, так і па-за межамі класа. Таму мы ацэньваем кандыдатаў з улікам іх ранейшых дасягненняў, але таксама высока цэнім іх прыхільнасць да навучання ў шырокім сэнсе.
3. Грамадзянства і месца жыхарства
Кандыдаты, якія падаюць заяўку праз UWC Беларусь, павінны:
- быць грамадзянамі Рэспублікі Беларусь, і/або
- мець пастаянны від на жыхарства ў Беларусі, і/або
- мець пасведчанне ўцекача ў Беларусі
Жыць у Беларусі неабавязкова. Мы вітаем заяўкі ад прадстаўнікоў беларускай дыяспары — незалежна ад таго, дзе яны знаходзяцца.
Калі вы не ўпэўнены, ці варта падаваць заяўку праз іншы нацыянальны камітэт UWC, калі ласка, звяжыцеся з намі для ўдакладнення.
4. Асабістыя якасці і каштоўнасці
UWC шукае студэнтаў, якія не толькі маюць добрыя акадэмічныя вынікі, але і птыртрымліваюцца асноўных каштоўнасцей руху:
- Міжнароднае і міжкультурнае параазуменне
- Ухваленне рознасцяў
- Пачуццё ідэалізму
- Асабістая адказнасць і цэласнасць
- Узаемная адказнасць і павага
- Пераадоленне цяжкасцяў
- Спачуванне і дапамога
- Павага да навакольнага асяроддзя
- Актыўныя дзеянні і асабісты прыклад
Ідэальны/ая кандыдат(ка) зможа прадэманстраваць стойкасць, адаптыўнасць і жаданне рабіць станоўчы ўплыў у сваім асяроддзі. Ён/яна будзе гатовы/ая годна прадстаўляць Беларусь у каледжы, весці складаныя дыялогі і станавіцца лідарам/кай у сваёй супольнасці.
5. Моўныя патрабаванні
Асноўная мова навучання ў школах і каледжах UWC — англійская. Ідэальныя веды не патрабуюцца, але вы павінны ўмець разумець іншых і выказвацца на прымальным узроўні.
Большасць фіналістаў валодаюць англійскай на ўзроўні B2 або вышэй, але кожны год мы маем фіналістаў з крыху ніжэйшым узроўнем, якія дэманструюць высокую матывацыю да паляпшэння валодання мовай. Звычайна яны атрымліваюць дадатковую моўную падтрымку ў каледжы і паспяхова навучаюцца ў UWC.
Не ўпэўнены, ці хапае вам моўных навыкаў? Рэкамендуем падавацца ўсё роўна! Вы можаце недаацэньваць сябе — і сам працэс адбору стане выдатнай практыкай англійскай мовы.
Гатовыя падаць заяўку?
Калі вы адпавядаеце крытэрам і захапляецеся магчымасцю навучання ў UWC — пачніце працэс падачы заяўкі!
Звярніце ўвагу: вы можаце падаць толькі адну заяўку ў год на навучанне ў UWC — нават калі вы маеце права падавацца праз некалькі нацыянальных камітэтаў.
Мы чакаем вашых заявак і з нецярпеннем гатовы суправаджаць вас на гэтым жыццязмяняльным шляху! Не адпавядаеце крытэрам? Зайдзіце на сайт UWC International, каб даведацца пра іншыя магчымасці паступлення.